Sin-o bala sa ini nga panahon ang indi mahilig mag inom kape?
Siling gani nila, kon magtukod ka sang isa ka coffee shop, indi lang view sang baligya-an ang dapat i-prioritize pero labi sa tanan ang sabor sang kape!
Pero mainom kapa bala kape kon imo mahibaluan nga naghalin sa higko sang sapat ang liso sang manamit nga kape nga imo gina inom?
Pasensya na sa mga nagapangape dira, pero nakahibalo ka bala nga isa sa pinakamahal kag indemand nga kape sa kalibutan ang gina harvest halin sa higko sang Isa ka dako nga pispis.
Ini ang ginatawag nga Jacu, kag ang iya sini nga digestive system ang nagapagwa sang mahamot nga aroma sa mga coffee beans
Si Henrique Sloper, tag-iya sang Camoncim coffee farm sa Espirito Santo, Brazil ang una nagalalain sang iya nakita nga ginabalik-balikan sang mga pispis ang iya tanuman sang kape.
Apang wala ini nakahibalo nga mangin kaangay lang nga business partner niya ini. Sila ang karon ginakabig ni Sloper bilang blessings in disguise.
Panigurado nabatian niyo na ang kopi luwak, ang isa sa pinakamahal kag exclusive nga kape bangud sa aroma sini. Ini ang gina harvest halin sa higko sang mga asian palm civets.
Kag bangud daw wala man plano maghalin ang mga jacu birds sa talamnan ni sloper, nag ubra nalang ini sang iya kaugalingon man nga kopi luwak.
Nangin kabudlayan man kay sloper ang pagkombinse sa iya mga trabahante nga imbes coffee beans ang ila iga harvest, iti gali sang pispis.
Sa karon, padayon ang pag-uswag sang Comocim Farm bangud sa iya sini pinasahi nga kape.
