Naglab-ot na sa anum (6) ang nag-positibo sang Pertussis sa syudad sang Bacolod.
Sa latest data sang City Health Office (CHO), siyam ka samples ang ila ginpadala for testing sa diin tatlo diri ang nagpositibo sa Pertussis, apat ang negative samtang pending pa ang resulta sang duha ka samples.
Ang mga kaso sang Pertussis sa Bacolod ang narecord sa Barangay Granada, Brgy. Handumanan, Brgy. Taculing, Brgy. Villamonte samtang may duha ka kaso ang narecord sa Barangay Tangub.
Suno sa CHO nga kalabanan sang mga pasyente ang naga-edad sang duha ka bulan tubtob lima ka bulan.
Ang anum ka mga kabataan nga nagpositibo san whooping cough ang nadischarged na ukon nakagwa na sa ospital.
Padayon ang panawagan sang City Health Office sa mga ginikanan nga magcoordinate sa barangay health workers angot sa ila bata nga wala nabakuhan sang diphtheria, pertussis kag tetanus ukon DPT vaccine.
