Kumpiyansa si Governor Bong Lacson nga pagapirmahan sa gihapon ni President Bongbong Marcos ang Negros Island Region Bill sa pihak sang oposisyon sang Diocese of Dumaguete.
Ini ang reaksyon sang gobernador matapos ginhingyo sang Diocese of Dumaguete, sa pagpanguna ni Bishop Julito Cortes, ang presidente nga i-veto ukon indi pag-aprubahan ang NIR Bill.
Suno kay Lacson, ginaabi-abi sini ang sentimyento sang simbahan sa Negros Oriental bangud paagi sini, malatag sa atubang ni President Marcos ang tanan nga impormasyon nga kinahanglanon sini sa pagdesisyon.
Dugang pa sang gobernador, ang sintemyento sang Diocese of Dumaguete ang pareho man sadto kun sa diin ila ginakabalak-an nga mangin inferior sila ikumparar sa Negros Occidental.
Apang suno kay Lacson, talupangdon ang kinahanglanon sang Occidental, Oriental kag subong man sang Siquijor sa idalom sang NIR.
