BACOLOD CITY- Wala nahambalan ang 2025 elections sa pagpadulong sang mga punong barangay sa Bacolod sa Hong Kong kag Macau upod si Mayor Albee Benitez nagligad nga semana.
Sa 61 ka mga barangay sa Bacolod, 52 ang nag-upod sa byahe isa diri si Punong Barangay Jerry Tingson sang Estefania. Sa interview sang DYHB kay Tingson, nag-bonding lamang ang mga punong barangay upod sa alkalde.
Diri man ginhingyo sang alkalde sa mga punong barangay nga updan ang iya mga programa, aktibidades kag proyekto.| DYHB News
