MABINAY, NEGROS ORIENTAL – Patay ang anay konsehal matapos nga ginlabo sa Brgy Paniabonan, Mabinay, Negros Oriental, las-8:50 sang aga, Martes nga adlaw, Abril 16.
Ang biktima ginkilala nga si Angelito Rosalem, residente sang So. Malasbalas, Brgy Lumbangan, samtang ang suspetsado ginkilala nga si Angelito Brigola, 43-anyos, kag residente sang So. Langaw, Brgy Paniabonan sa amo nga banwa.
Base sa inisyal nga imbestigasyon sang Mabinay Municipal Police Station, samtang nagasakay sa motorsiklo ang biktima sa bahin sang national highway sang Brgy. Paniabonan, ginharangan ini sang suspetsado kag gilayon nga ginlabo sang makapila ka beses sa nasari-sari nga bahin sang iya lawas gamit ang espading.
Ginhingagaw dala si Rosalem sa Mabinay Medicare Community Hospital apang gindeklarar ini nga dead on arrival.
Padayon pa ang imbestigasyon sang kapulisan natuhoy sa insidente, apang yara na sa kustodiya sang Mabinay MPS ang suspetsado para sa proper disposition.
📷DYHB photo
