BACOLOD CITY- Nagpatima-an ang pila ka mga transport group diri sa ciudad sang Bacolod nga umpisa pa lang sang ila plano nga asud-asod nga pagptigayon sang transport strike ang ila ginbuhat kahapon, Abril 15.
Sa nasiling nga strike, nagapati ang mga nag ulupod nga grupo nga masobra 1,000 ka mga units nga ginabug-usan sang 3,500-5,000 ka mga drivers kag operators ang nagpakigbahin sa nasiling nga transport caravan.
Sa interview sang DYHB kay BACOD President Rudy Catedral, iya ginpahayag nga 80% sa mga transport group diri sa ciudad ang nag untat biyahe, apisar indi ini mandatory.
Pahayag ni Catedral nga epektibo ang ila gin ubra bangud kay ila nakita nga nagalalain ang pila ka mga commuters nga limitado lang ang ila masakyan nga mga jeep. Ini ang nagapabutyag lang nga kinangalan sila sang riding public.
Pila sa padayon nga ginapanawagan sang grupo ni Catedral kaupod ang MANIBELA, UNDOC kag KNETCO nga kon mahimo, tugutan lang sila magbiyahe pagkatapos sang Abril 30 kasubong man ang pagbalik sang lima nila ka tuig nga prangkisa.
Sa karon, nagahulat nalang ang ini nga mga transport group sang signal gikan sa ila mga kaupod sa National sa kon san-on sila liwat magpatigayon sang transport strike.
