Texas, USA – Dako ang nabulig sang survivor sa isa ka krimen matapos sini nagamit ang iya talent sa pag drawing kag nag sulod sa isa ka Police Department sa Texas, USA bilang isa ka forensic artist.
Si Lois Gibson, ang karon may uyat sang world record title nga “most criminals positively identified due to the composites of one artist”
As of February sini nga tuig, kapin 1,313 na ka mga kriminal ang na identify sang kapulisan bangud sa sketch ni Lois.
Suno sa iya nagbag-o ang iya kabuhi sandtong 21 anyos palang ini sang gin-hana ini patyon sang isa ka serial killer kag panghimuslan pa kon tani.
Maayo lang nakaluwas Lois amo kon ngaa nangisog ini nga bayaan ang iya sadto ginatiniran nga lugar kag nagsaylo sa Houston agud magsugod liwat sang mahilway nga pagpangabuhi.
Bangud sa degree sini sa fine arts, didto gin pursue na ni Lois ang iya luyag sa pag drawing.
Bangud kay nangin biktima ini sang krimen, luyag niya man mag bulig sa iban nga ginhalitan amo kon ngaa tuman gid ang iya passion sa pag sketch. Gin ako pa sini nga nangin ‘addict’ siya sa pagpangdakop mga kriminal.
Karon nga tuman nagid ka advance ang technology, pahayag ni Lois nga indi masarangan sang artificial intelligence (AI) ang mai-id nga detalye sa pag sketch bangud kay nagapati ini nga ang ini nga art ang nagabase sa interpretasyon sang mga tawo nga drawing sini.
