Padayon ang pagpang-usisa sang mga kapulisan sang Bacolod City Police Office ( BCPO)- Taskforce anti vandalism angut sa mga report nga ila natipon diin ginatudlo nga mga miyembro sang fraternity ang may kahimuan sang pila ka mga pagpang-vandalize sa ciudad.
Sa interview sang DYHB sa spokesperson sang taskforce nga si PCol. Ronnie Brillo, iya ginpahayag nga ila mandu-an ang mga station commanders nga i-consolidate ukon mag ubra sang inventory sa mga lugar nga tuman nga nahalitan sang pagpangbandalismo.
Pinaagi sini, mahibaluan kon may mga bag-o lang gid man bala vandalize nga mga pader. Diri ila mahibaluan man nga aktibo pa ang grupo bisan pa aware na ang mga ini nga ginadumili-an na ang pagpangbandalismo.
Sini lamang nga semana, tatlo ka mga menor de edad sa Barangay Felisa nga sakop sang Station 10 ang nadakpan sang mga kapulisan kag ginturn-over na karon sa Social workers.
Padayon naman ang una na ginpahayag nga reward ni City Director Col. Noel Aliño nga magahatag ini sang P5,000 sa mga impormante nga makatudlo sa kon sin-o ang mga grupo nga nagahigko sa nga pader sa ciudad.
