Naggamay ang itlog nga gina-prodyuser sang mga manok sa probinsiya sang Negros Occidental sa tunga sang malawig nga tig-ilinit.
Ginpahayag ni Provincial Veterinarian Dr. Placeda Lemana nga base sa impormasyon gikan sa mga nagasagod sang layers, wala na sang maprodyuser nga jumbo size kag ang extra large amo ang pinakadaku nga itlog.
Subong man, nagkunol ang pagdaku sang mga broiler chicken ukon ginakaon nga manok.
Paathag sang provincial veterinarian, ini bangud mas madamo ang ginainom nga tubig sang mga manok sang sa ginakaon nga feeds bangud sang tuman kainit nga panahon.
Sa sini, ginapanugyan sang PVO sa mga nagasagod sang manok nga buhinan ang kadamuon sang manok sa kada kurong agud makaangkon ang mga ini sang maayo nga bentilasyon.
