BACOLOD CITY – Nagasalig si ang General Manager sang Central Negros Electric Cooperative (CENECO) nga indi mahimo sang ila mga linemen nga sabotahe-on ang linya sang kuryente.
Ini kasunod sang mga alegasyon nga amo ini ang rason sang malapnagon nga pag brown-out sa ciudad
Suno kay CENECO GM Atty. Arnel Lapore, Imposible man nga utdon sang ila mga tawo ang 69KV line bangud kay high voltage ini kag tuman na ka taas para lab-uton.
Depensa pa sini nga matahap man ang ila mga empleyado magtinunto kag ibutang sa alang-alang ang ila nga trabaho.
Apang, pagklaro ni Lapore nga ila ginarespetar ang panawagan ni Power Watch Negros Secretary General Wennie Sancho angut sa request sini nga imbestigran ang malawig nga brownout sang nagligad nga Marso 26 kag Abril 11, 2024.
Pahayag ni Lapore, magapatawag siya sang mancom meeting sa Lunes kag iya imbitaron ang mga technical personnel agud nga magpaathag kag i-dismiss ang mga suspetso kontra sa ila.
Iya pa gindugang nga maga-imbestigar ang management angut sa sini nga issue kag magatipon sang ebidensya kon may hocus-pocus gid man nga nagakatabo.
