HINOBAAN, NEGROS OCCIDENTAL – Na-rescue ang apat ka mga manog isda nga tumandok sang Guimaras matapos ang nga ini makita sa baybayon sang banwa sang Hinobaan.
Suno sa apat ka mga fishermen, anom ka adlaw na sila yara sa bay-bayon naga antos sa kagutom kasubong man sang tuman nga kainiton
Agud indi mawad-an sang pwersa, nagtinguha ang tatlo nga mabuhi pinaagi sa pagkaon sang isa ka hilaw nga isda kag mga hilamon nga ila makita sa dagat.
Ang mga survivors ang ginkilala sanday Wilfredo Estañol, 68; Vicente Tacda, 54; Edward Labios, 43; kag Louie Ganea, 16 lunsay residente sang Calaya, Nueva Valencia.
Sila ang naghalin sa ila lugar Abril 9 pa sang hapon agud magpangisda diin ginapaabot makabalik ang mga ini sa gilayon pagka Abril 10.
Suno kay Estañol, nag tindog sa pumpboat ang ila isa ka upod nga si Tacda agud magpreparar kon tani sang ila palanyapunon sang hinali lang nadulaan balanse ang barko kag nag kulob.
Apang, gintinguhaan ni Estañol nga palutawon lang sa gihapon ang pumpboat agudto may ma-sampahan lang sila samtang naga utaw-utaw.
Halos mawad-an na paglaum ang apat bangud kay pila na ka adlaw ang nakaligad, wala gid sang may nakatalupangod sa ila nga mga manog isda man.
Maayo na lamang, may nakasiplat sa mga ini sa baybayon sang Hinobaan kag didto gin-rescue sila sa bulig sang Municipal Disaster Risk Reduction and Management Officers sang banwa.
Ang pag rescue sa mga ini ang gilayon man ginpalab-ot sa alkalde sang banwa diin ginsabat man sini ang ila pagpabulong sa ospital antis ini gin assit man nga makapauli sa ila pamilya sa Guimaras.
📸Province of Guimaras
