WORLD NEWS- Patay ang 14 ka mga Palestinians matapos ang pagpang atake sang Israeli forces sa West bank sadtong Sabado, Abril 20.
Kabahin sa mga nagtaliwan amo ang driver sang ambulansya matapos nga iya gin-padulungan ang mga pilason sa separado nga pagpang-atake.
Gin suguran sang mga Israeli forces ang pagpang-atake sadtong Biyernes, Abril 19 sa bahin sa Nur Shams, lapit sa flashpoint sa mga Palestinian sa probinsya sang Tulkarm.
Base sa panibag-o nga datos, linibo na ka mga Palestinian ang mga naaresto kag pila na ka gatos ang mga napatay sa mga ginpatigayon nga regular nga operasyon sang otoridad kag kapulisan sang Israel sumugod sang kinagamo sa Gaza, kadam-an diri amo ang miyembro sang mga militar, lakip ang mga kabataan nga mga nagapanghaboy bato kag mga sibilyan.
