Ginatun-an sa karon sang Partido Demokratiko Pilipino (PDP) kun sin-o ang ila pagasuportahan sa gubernatorial race sa Negros Occidental sa 2025 nga piniliay.
Ginpahayag ni Atty. JV Hinlo, Deputy Secretary General for Visayas kag Negros Occidental Council President sang PDP, nga ila ginastudyuhan kun ila suportahan si Governor Bong Lacson apang kun may mga sentimyento nga luyag na sang pumuluyo nga ilisan ang gobernador, handa man sila nga suportahan si anay Victorias City Mayor Wantan Palanca.
Apang ginklaro ni Hinlo nga indi pa ini final bangud nagapatigayon pa sila sang konsultasyon.
Nagapabilin naman nga bukas ang posisyon sa pagka-bise-gobernador bangud hatagan nila sang kahilwayan ang suportahan nga gobernador nga magpili sang mangin runningmate sini.
Bilang reaksyon, ginpahayag naman ni Governor Lacson nga handa ini mag-atubang kun sin-o man ang iya mangin kasumpong sa piniliay.
