Indi applicable kag indi legal. Ini pahayag ni Bacolod Mayor Albee Benitez angot sa quota memorandum nga ginpaggwa sang Officer-in-charge (OIC) sang Bacolod Traffic Authority Office (BTAO) sa mga traffic enforcers.
Nabutang sa amo nga memorandum nga napetsahan sadtung Abril 3 nga ang mga apprehending officers ang dapat may madakpan nga AT LEAST 5 ka apprehensions ukon at least lima ka mga traffic violations.
Nakasa-ad man sa memo ni Lacson nga ang indi magsunod sa iya ginpapanaug nga kasugu-an ang magaresulta naman sa suspension kag termination.
Sa interview sang City Hall Reporters subong nga adlaw (April 22, 2024) ginpahayag ni Mayor Albee nga ‘prone to abuse’ ang amo nga memo sa diin ang mga enforcers ang mapilitan nalang nga mangdakup agud nga mapabilin ang ila nga trabaho.
Suno kay Benitez nga dismayado siya sa mga kontrobersiya nga ginpangatubang sang BTAO Chief bangud suno sa alkalde dapat wala ini nagakatabo in the first place.
Dugang pa ni Benitez nga iya man hulaton ang sabat ni Lacson sa bahin sang pagkakas sang BTAO Head sang logo sa isa ka Toyota Avanza nga ginagamit sa idalum sang MABB Cab system.
Paathag sang alkalde nga ang purpose sang MABB Cab ang amo nga marecord officially ang mga trips sang mga city hall employees sa diin iya man ipa-check kon pwede madala sa puluy-an ang service vehicle nga detailed sa mga department head.
‘Bringing (it) at home and ginkakas pa ang stickers is really something may ginapaminsar kita nga not good’, pahayag dugang ni Mayor Albee.
