Gina-encourage ni Mayor Albee Benitez nga sundon sang iban nga mga local government units (LGU) ang Bayad Agad Program sang syudad sang Bacolod.
Ang Bayad Agad Program ang ginlunsar sang Bacolod City government kahapon nga adlaw sa diin mas ginpadasig ang releasing sang financial assistance sang syudad.
Sa interview sang Bacolod City Hall reporters, ginpahayag ni Benitez nga iya ginahangyo ang iban nga LGUs nga sundon ang amo nga programa sa diin ginpahayag sang alkalde nga sa idalum sang iya administrasyon, ini na ang mangin ‘new normal’ sang releasing sang bulig sang gobierno.
Dugang pa ni Mayor Albee nga kon maayo ang resulta sang Bayad Agad Program, iya ini iga-introduce sa League of Cities in the Philippines (LCP).
Si Benitez ang nagaserbe sa karon nga national chairman sang LCP.
Suno kay Benitez nga lakip sa mga best practices nga nakita sang iban nga LGUs sa Bacolod amo ang pagbutang sang QR sa business permits kag PWD IDs.
BAYAD AGAD PROGRAM
Naglab-ot sa 77 ka beneficiaries ang nahatagan sang financial assistance kahapon nga adlaw angot naman sa launching sang Bayad Agad Program.
Tinutuyo sang amo nga programa nga madasig nga ma-release ang financial assistance sang syudad sa bahin sang fire incidents, burial expenses, education kag medical assistance.
May 47 ka internally displaced persons (IDP) ang nagbaton sang bulig pinansyal halin sa 5 mil pesos tubtob sa 15 mil pesos.
Kalaban sang mga IDPs amo ang mga pamilya nga nawad-an sang puluy-an sa sunog nga nagluntad sa Barangay 18.
24 ka beneficiaries ang nagbaton sang medical assistance halin sa 4 mil pesos tubtob sa 5 mil pesos, 4 ang nagbaton sang burial assistance halin sa 2 mil pesos tubtob sa 5 mil pesos, samtang 2 ka beneficiaries ang nagbaton sang 4 mil pesos bilang educational assistance.
Ang Department of Social Services and Development (DSSD) ang in-charge para sa Bayad Agad Program.
