VIETNAM – Sa panahon karon, makabig na bilang ‘luxury’ kon ikaw ang makatulog sang masobra walo ka oras, labi na nga kalabanan sa mga tawo subong, busy na gid sa pagpangabuhi.
Sa pungsod Vietnam, isa ka 80 anyos nga lalaki ang nagapanindugan nga wala na ini nakaagi tulog, 60 ka tuig na ang nakaligad.
Suno kay Thai Ngoc, isa ka mangunguma nga 20 anyos palang ini sang iya ulihi nadumduman nga nakatulog ini.
Apang halin sang nagsugod ang iya severe insomnia, didto na nagsugod ang pag bag-o sang kabuhi sini.
Suno kay Ngoc, bisan pa 60 ka tuig na ini wala makatilaw magtulog, siya ang sa gihapon nagpangabuhi sang malipayon kag aktibo pa sa pag-ubra.
Apisar gusto nagid sini makatulog sang malawig, pahayag ni Ngoc nga ginapunggan gid ini sang iya nga insomnia.
Suno sa mga doktor, posible nga nakatulog gid man si Ngoc apang wala lang ini niya matalupangdan. Bangud kay ang mga insomaniacs ang may kabudlayan man sa pag differentiate kon bugtaw ukon tulog ini.
Si Ngoc ang nagpamalibad man nga i-monitor kag i-test sang mga eksperto ang iya sini kondisyon agud makakuha man sang ebidensya nga matuod ang ginapahayag sini.
