MALAYSIA – Patay ang napulo tanan nga mga sakay sang duha ka mga Royal Malaysian Navy helicopter matapos nga nabungguanay sa kahawaan sa banwa sang Lumut sa pungsod Malaysia, pasado las-9 sang aga, Martes nga adlaw, Abril 23.
Ang isa sa mga helicopter, amo ang HOM M503-3 kun sa diin sakay sini ang pito ka indibidwal nga nahulog sa bahin sang running track, samtang ang isa ka helicopter amo ang Fennec M502-6 sakay ang tatlo ka mga biktima nga nahulog naman malapit sa swimming pool.
Santo sa pahayag ni Prime Minister Anwar Ibrahim sang Malaysia nga ila ginakasubo ang nagluntad nga trahedya sa pungsod, kag ila man ginapalab-ot ang pagpakig-unong sa mga pamilya sang mga nagtaliwan nga mga biktima.
Magadihon ang mga otoridad sang komitiba agod mag-imbestigar natuhoy sa rason kun ngaa nagluntad ang amo nga insidente.
