‘Ayaw naming maging KathNiel. Gusto po naming mangin FranSeth.’
Amo naman ini ang pahayag sang on-screen love team nga si Francine Diaz kag Seth Fedelin ukon mas kilala sa FranSeth.
Ini matapos indi malikawan nga ikumparar ang duha sa anay magka love team nga si Kathryn Bernardo kag Daniel Padilla.
Para sa actor, gusto nila nga kilalahon bilang sila. Gustuhon man nila nga sundon ang tapak sang duha pero never kuno nila malabawan ang karisma kag team up ni Kath kag DJ.
Para naman kay Francine, daku ang respeto nila sa KathNiel kag asta subong idolo kag inspirasyon ang pagkabig nila sa ultimate love team of all.
Subong medyo busy man sa bag-o nga pelikula nga My Future You, ila gid gina-seguro nga padayon nga kiligon kag malipay ang mga fans kag supporters nila humalin sang magsugod ang karera sa industrya.
