PONTEVEDRA – Patay ang isa ka menor de edad nga lalaki matapos ini gin anod sang mabaskog nga balod sa Reclamation Area, Barangay 1, Poblacion, banwa sang Pontevedra las 2:55 sang hapon, Abril 24.
Ang biktima ang naga edad 12 anyos, residente sang Hacienda Trinidad, Barangay DSB, Pontevedra.
Sandig sa inisyal nga imbestigasyon sang kapulisan, nahibaluan nga naghinagaray ang biktima kag duha pa sini ka menor de edad nga mga abyan nga magpaligo sa lugar.
Nagsinunluganay pa ang mga ini nga magkadto sa mas madalom nga parte sang dagat kag didto nakibot nalang ang mga abyan sang biktima nga nagapangayo na ini sang bulig.
Bangud sang kakusugon sang balod, wala na nagsunod pa ang duha ka mga abyan sang biktima bangud sang kakulba.
Agud ma rescue ang ila upod nga nalumos, gilayon nagpangayo bulig ang duha sa mga nagatambay sa lugar apang nadala na sang balod sa mas madalom nga parte sang dagat ang biktima.
Didto nagtawag pa gid sang bulig ang mga ini sa Municipal Disaster and Risk Reduction Management Office (MDRRMO) para sa retrieval operation.
