DON SALVADOR BENEDICTO – Duha ka menor de edad nga remnants sang Northern Negros Front (NNF) ang gindakop sang 79th Infantry Battalion sang Philippines Army sa banwa sang Don Salvador Benedicto kahapon, Abril 25.
Ang mga nagkaladakpan amo ang magpakaisa nga lalaki nga naga edad 16 kag 17 anyos.
Nakuha sa ila posesyon ang duha ka Seized KG9 submachine guns, .45 caliber pistol, duha ka homemade shotguns, 12-gauge shotgun, .38 caliber revolver, isa ka box sang ammunition para sa .45 caliber pistol, kag ila mga personal nga kagamitan.
Ang duha ang ginatudlo man nga imbolbado sa nagluntad nga shooting incident sa isa ka barangay sa banwa.
Yara karon sa kustodiya sang kapulisan ang mga menor de edad agud imbestigahan antis ang mga ini i-turnover sa Department of Social Welfare and Development (DSWD).
