KABANKALAN CITY – Isa ka pasahero sang Ceres bus ang nakaangkon sang minor injury matapos makabunggo ang innova nga nagasugata diri sa Sitio Candiacap, Barangay Tapi, ciudad sang Kabankalan las 6 sini nga gab-i, Abril 27.
Sa interview sang DYHB kay Kabankalan City PNP spokesperson PMaj. Joelan Vinson, ginpahayag sini nga isa ka pasahero lang ang nakaangkon minor injury matapos ini mapiskan sang nabuka nga crystal sang bintana sang Ceres samtang wala naman sang injury ang driver sang Innova.
Damlag pa, yara karon sa kustodiya sang kapulisan ang driver sang Innova samtang nadapatan naman sang first aid ang pilason.
