ma
BACOLOD CITY- Ginpanginwala ni Monsignor Ronaldo Quijano ang ginaalegar animal cruelty sa San Sebastian Cathedral.
Sa isa ka Facebook post ni Andree Lagdameo, ginpahayag sini nga ginmando ni Msgr. Quijano ang mass killing sang mga layaw nga ido kag kuring nga nagatiner sa San Sebastian Cathedral.
Sa statement nga ginpaguwa ni Msgr. Quijano, ginpanginwala sini nga iya ginmando ang pagpamatay sang mga layaw nga kasapatan nga nagasayo sa simbahan. Dugang pa sini, siya ang nag-coordinate sa barangay officials kon paano i-regulate ang mga kasapatan bangud nga delikado ang mga ini sa mga sumilimba kag nagalapta man ang ila higko sa palibot sang simbahan.
Suno pa kay Msgr. Quijano wala gintolerar ang simbahan ano man nga pagpanakit sa kasapatan kag ano man nga mga tinuga sang Diyos.
