TOBOSO- Patay ang isa ka grade 4 pupil matapos nga nalumos sa Purok Maaswa, Barangay General Luna, banwa sang Toboso, sadtong Sabado, Abril 27.
Ang biktima ang isa ka lalaki, 10-anyos ang edad kag residente sa amo nga lugar. Base sa inisyal nga imbestigasyon sang Toboso Municipal Police Station, ulihi nga nakita sang amay ang iya nga bata las-onse sang aga sa amo nga adlaw sang sila ang matapos magpaniyaga.
Wala nakihabalo ang amay nga nagpadulong sa baybay nga nagaisahanon ang iya bata agod ini ang magpaligo.
Makaligad ang pila ka oras nakita na lamang ang biktima nga naga-lutaw sa amo nga baybayon kag wala na sang kabuhi. Ginhingagaw pa dala ang biktima sa Toboso Rural Health Unit apang gindeklarar na ini nga patay.
