SAGAY CITY – Ginaalegar nga makapila ka beses na nga gintuyo patyon sang 7 anyos nga lalaki sa Prk. Eba, Brgy. Andres Bonifacio, ciudad sang Sagay ang iya sini amay nga pulis antis paman natabo ang aktwal nga pagpangtiro sini nakaligad nga Abril 17.
Madumduman nga unanna na report diri sa DYHB ang natabo nga pagluthang sang 7 anyos nga Child in-conflict with the law (CICL) sa amay sini nga PSSg Lernie Archa, 44 anyos kaga naka assign sa Sagay City Police Station.
Sa exclusive interview sang DYHB kay Irene Dayanan live-in partner sang biktima, ginpahayag sini nga may yara sang komprontasyon kag lalisanay nga natabo sa ila duha sang pulis sa sulod sang ila kwarto bangud sa ginaalegar pagpanghimon sang biktima sa iya TikTok followers.
Dugang pa ni Irene, nabatian sang iya anak ang ila pag inaway amo kon ngaa nagsulod sa kwarto ang iya anak nga may dala sang m16 rifle kag gintayan sini ang iya amay apang wala ini nag lupok bangud nga naka-safety ang amo nga armas kag ginbalik niya ini sa guwa sang kwarto.
Apang, wala diri natapos ang pagpamahog sang bata bangud kay nagbalik pa ini sa ila kwarto kag ginkuha na ang glock 17 pistol nga yara sa ibabaw sang cabinet sa gwa sang ila kwarto kag didto niya na ini ginpalupok sa iya amay.
Nahibaluan nga ginlabo man sadto sang bata ang iya amay sang kutsilyo sa likod bangod man sang inaway sang iya nga ginikanan.
Damlag pa, ang bata ang ang wala ginatudlu-an sang iya nga amay kon papaano mag uyat kag maggamit sang armas apang ginapatihan natun-an niya ini sa iya masami nga ginalantaw nga mga video sa YouTube rason nga nakahibalo ini magpalupok sang armas.
