Ginapaabot sang NEPC nga malapit na lang sila mahatagan sang prangkisa matapos nga nagpasa na sang report kahapon, Abril 29, ang Senate Committee on Public Services nga nagapabor sa paghatag sa ila sang prangkisa.
Chairperson sang komitiba si Senator Grace Poe samtang myembro sanday Senator Raffy Tulfo kag Win Gatchalian.
Sa interview sang DYHB, ginpahayag ni NEPC Spokesperson Jonathan Cabrera nga mangin bukas na sa interpellation ukon debate sa iban nga miyembro sang senado ang hagna, kon bala may i-propose pa ang mga ini nga ammendments sa senate version ukon wala na.
Sini nga 2nd week sa bulan sang Mayo ginalauman nga maglab-ot na sa bicameral ang hagna agud i-finalize na ang isa ka version sang bill.
Sunod sini, amo ang sa Malacañang na diin magadepende sa desisyon ni Presidente Ferdinand Marcos Jr. ang pag aproba ukon pag veto sini.
