BACOLOD CITY- Dakop ang 18-anyos nga lalaki nga akto nga nagapang-bandalismo sa pader sang Barangay Hall sang Barangay Villamonte ciudad sang Bacolod, las-4:45 sang kaagahon, Mayo 1.
Ang suspetsado ginkilala nga si Jason Vargas, 18-anyos, lalaki, kag residente sang Bangga Ceres, Brgy. Mansilingan sa amo nga ciudad.
Santo sa rekord sang Bacolod Police Station 4, samtang sila ang nagapatigayon sang patrolya kadungan sa ginasaulog nga kapiyestahan sang amo nga Barangay, akto nga nadakpan sang mga kapulisan si Vargas nga naga sulat sa kilid sang pader sang Brgy. Hall gamit ang improvised plastic container nga may pinta nga nagaduag gray.
Nahunong sa karun ang amo nga persona sa Police Station 4 para sa nagakaigo nga disposisyon.
