CALATRAVA- Wala pa sang natumod nga suspek ang kapulisan sa pagkasapo-patay sang mag live-in partner sa Sitio Manaysay, Brgy. Cambayobo, Calatrava, Negros Occidental, las-12 sang udto, Mayo 1, 2024.
Ang mga biktima ginkilala nga sanday Elpedio Guarin, 52-anyos kag Evangilyn Denapol, 65.
Suno kay Police Major Ronald Santillan, hepe sang Calatrava Municipal Police Station, nag-report sa barangay ang kaingod sang mga biktima sang wala na sini nakita ang duha nga naguwa sa ila nga puluy-an.
Sang ginkadtuan sang mga barangay officials ang balay, nakita ang duha nga patay na kag lunsay may mga igo sang armas sa ulo.
