CALOOCAN CITY- Patay ang isa ka nurse matapos nga gintiro sang naaksidente sa motorsiklo nga security officer sa Caloocan City.
Ginkilala ang nurse nga si Mark Jhon Blanco. Magluwas sa nurse, patay man ang isa pa gid ka residente nga nagpalapit sa lugar sang aksidente matapos nga gintiro man sang suspek. Suno kay Police Major Segundino Bulan Jr., commander sang Caloocan Police Sub-Station 9, naluoy lamang ang nurse sa suspek kag ginbuligan niya ini nga mapatindog ang motorsiklo.
Apang naakig ang suspek sang indi na mag-andar ang iya motorsiklo gani gintiro sini ang nurse.
Ang suspek isa ka 54-anyos nga security officer kag halin ini sa ilimnan sang natabo ang krimen. Naaresto ang suspek kag nag-match ang mga bala sang armas nga yara sa paghinakop sini kag ang mga nakita sa crime scene.
Nagpangayo sang pasaylo ang suspek apang wala ini nagsabat kon gintiro gid man sini ang mga biktima.Ang biktima nga nurse ang may lima pa ka kabataan kag asawa.
