Screenshot
BACOLOD CITY- Isa ka parade/prayer rally ang patigayunon sang Concerned Animal Advocates and Rescuers para sa gin-alegar ginpatay nga layaw nga ido nga nagatiner sa San Sebastian Cathedral.
Las-9 sang aga tubtob las-12 sa udto bwas nga adlaw, magatipon ang grupo sa atubang sang San Sebastian Cathedral. Sa press release sang grupo, ila ginpahayag nga ini nga aktibidad ang magapakita sang ila commitment sa paghatag proteksyon sa mga vulnerable nga kasapatan.
Ini ang kasunod sang pag-report sang mga nagapakaon sang mga ido sa simbahan sa diin ang ginbasansagan “Cathedral dog” nga si Cindy Maria ang ginpatay. May mga witness nga nagsiling nga ginpatay ang ido sa mando sang isa ka pari sa simbahan. Ang ido, gingapos ang duha ka tiil kag sulod sa sako. Nagabusong pa ang ido sang ini ang ginpatay.
Apang suno sa grupo, sa karon wala na nagahatag sang dugang nga impormasyon ang mga witnesses sa kahadlok nga balikan bangud nga kalabanan sa mga ini nagatrabaho sa simbahan.
Madumduman nga una na nagpaguwa sang statement si Monsignor Ronaldo Quijano, rector sa Sen Sebastian Cathedral nga nagapanginwala sang mga akusasyon nga ginmando sini ang pagpatay sa nasambit nga ido.
