WORLD NEWS- Patay ang pito ka mga persona kag kapin 35 ang pilason matapos ang air attack sa rehiyon sang Belgorod sa pungsod Russia.
Ginbasol ni Regional Governor Vyacheslav Gladkov ang pagpang-atake sa Ukranian forces nga malapit sa village sang Beryozovka.
Ang amo nga pagpang-atake ang gingamitan sang drone kun sa diin naigo ang mga minibuses nga gamit sa pagdul-ong sang mga empleyado sa meat production facility kag mga pribado nga salakyan.
Dugang pa ni Gladkov, may pila pa ka mga lugar nga sakop sang Belgorod ang naapektuhan sa pagpang-atake sa sulod sang 24 oras, kun sa diin may pila ka mga residential buildings ang nagkalaguba.
Ang amo nga rehiyon ang masami nga target sang Ukrainian forces sumugod ang giyera sa tunga sang Ukraine kag Russia sadtong tuig 2022.
