NEGROS OCCIDENTAL- Nahibaluan ni Negros Occidental Governor Eugenio Jose “Bong” Lacson nga mas malawig ang nangin preparasyon sang Iloilo komparar sa probinsya para sa pagpatigayon sang Western Visayas Regional Athletic Association (WVRAA) Meet 2024.
Base sa interview sang DYHB kay Governor Bong Lacson, nga iya ginkonsulta sa Iloilo kun ano kalawig ang nangin preparasyon sini sa WVRAA kag iya nadiskubrihan nga sila ang nag preparar sang isa kag tunga sa bulan samtang ang probinsya ang may duha lamang ka semana para sa kompetisyon.
Santo sa inisyal nga medal tally sini nga Lunes, Mayo 6, nakakuha sang 61 ka mga gold medals ang Iloilo samtang ang Negros Occidental ang nakakuha sang 60 ka mga bulawan para sa Elementary Level. Samtang sa Secondary level ang Iloilo ang may 93 ka gold kag 79 naman sa Negros Occidental.
Nagalaom ang gobernador nga magadaog ang probinsya sa Elementary Level bangod magamay lamang ang abanse sang kontra nga probinsya.
Una na nga ginsiling sadto ni Gov. Lcason antes pa man ang kompetisyon nga daog na ini sila tanan, kag para naman sa mga nakakuha sang bulawan nga medalya may duha pa ini sila ka bulan agod mag preparar para sa Palarong Pambansa.
Sa tunga sina nangin malipayon ini sa nangin performance sang mga atleta sa probinsiya. Madumduman nagbukas ang WVRAA Meet 2024 sadtong Mayo 1, kag magatakop sa Martes nga adlaw, Mayo 7.
