ISABELA- Nabun-an patay sang isa ka lalaki ang iya sini bayaw nga hilaw matapos nga ini ang ginsuyaan nga mahinay magkarga-tapas sa Brgy. Banog-banog, Isabela sadtong Mayo 3, 2024.
Ginkilala ang suspek nga si Jeovic Dejardo, 31-anyos samtang ang biktima nga live-in partner sang iya utod amo si Geron Panangganan, 35, nga tumandok sang sang Brgy. Tapi, Kabankalan City.
Suno kay Police Lt. Dante Balinario, Deputy Chief of Police sang Isabela Municipal Police Station, nag-inom ang suspek kag isa ka utod pa sini nga lalaki upod sa biktima sang natabo ang krimen. Suno kay Balinario, nag-away ang duha matapos nga ginhambalan sang biktima ang suspek nga mahinay mag-obra sa kampo. Pareho nga may sundang ang duha apang naunahan buno sang suspek ang biktima sa tiyan nga gintunaan sang kamatayon sini.
Suno kay Balinario, ginahulat pa ang pamilya sang biktima nga magpasaka sang kaso apang ang suspek nagpasalig nga ini ang mapa-eskwela sa tatlo ka kabataan sang biktima nga mga hinablos man sini.
