WORLD NEWS- Nagdangat sa kapin 55 ka mga missiles kag 21 ka mga explosive drones ang gingamit sang pungsod Russia sa pagpang-atake batok sa Ukraine.
Ang target sang amo nga pagpang-atake amo ang power generation kag transmission facilities sa Poltava, Kirovohrad, Zaporizhzhia, Lviv, Ivano-Frankivsk kag Vinnytsia region, kag ang Energy Minister sang pungsod Ukraine nga si Herman Halushchenko.
Santo sa statement ni Ukrainian President Volodymyr Zelensky nagluntad ang pagpang-atake sa adlaw kun sa diin ila gina-selebrar ang adlaw sang Remembrance kag Reconciliation. Suno sa presidente, ang amo nga tikang kag pagpang-atake sang Russia ang indi dapat pagpabay-an kag konsintihon bangod ini ang kaangay sang pagpang-dinaog-daog sa pungsod.
Kadungan sa nagluntad nga insidente ginkondenar ang Nazism nga isa ka ideolohiya nga may kaangtanan sa pagdiliher ni Adolf Hitler sa Nazi Germany sadtong World War II.
