BACOLOD CITY- May duha ka ruta sa ciudad sang Bacolod nga plano nga himuon nga green lane sa diin ang mga e-jeepneys ang magabyahe diri.
Si Mayor Albee Benitez ang nag-meeting na upod kay Land Transportation Franchising and Regulatory Board (LTFRB) OIC Regional Director Atty.
Salvador Altura Jr. kag Engr. Joshua Gaquit, Transportation Dvelopment Officer sang LTFRB ang para sa pagpatigayon sang Trial Run sa duha ka mga ruta nga amo ang Brgy. Cabug kag Brgy. Vista Alegre.
Ang ini nga green lane ang ginaduso ni Mayor Benitez nga magasabat sa kinahangalanon sang mga pumuluyo sa sini nga mga area nga wala na nagsulod sa Local Public Transport Route Plan (LPTRP).
Tinutuyo sang trial run nga mahibaluan kun ang ini nga mga ruta kinahanglan nga idugang sa enhanced Local Public Transport Route Plan (LPTRP) sang ciudad agud maserbisyuhan sang maayo ang mga pasahero.
Ini nga mga ruta ang ginalakipan sang Brgy. Vista Alegre kag Cabug. Ang Trial Run patigayunon sa Mayo 15-19, 2024 kag libre ang sakay sa mga e-jeep sa nasambit nga mga petsa.
