May yara na sang masterplan si Dumaguete City Mayor Felipe Antonio Remollo kon matigayon na ang Negros Island Region (NIR).
Suno kay Remollo, siyam ka tuig na ang nakaligad may masterplan ini nga ginpresentar kay former president Rodrigo Duterte.
Lakip sa plano ang pagtukod sang highland freeway nga magalabay sa mga bukid paagi sa mga tunnels sa diin igakonekta ang southern most part sang Negros Oriental nga Bayawan City kag northern part sang Negros Occidental nga Cadiz City, sa sulod lang sang duha ka oras kag 15 minutos makalab-ot ka na sa Bacolod City gikan sa Dumaguete City.
Dugang pa ni Remollo, sa freeway magakonekta ang iban nga mga local government units (LGU’s).
Ang pagtukod sang freeway ginalantaw man sini nga makasulbar sang problema sa insurgency bangud wala na sang panaguan ang mga rebelde sa kabukiran.
Ginalantaw man sang alkalde nga makabulig sa economic development sang mga LGU’s ang tukuron nga freeway.
