BACOLOD CITY- Ginatugyan sang Land Transportation Franchising and Regulatory Board (LTFRB) Region VI ang pagpanakop sa Land Transportation Office (LTO) natuhoy sa wala nakapa-consolidate nga mga traditional jeepney sa ciudad sang Bacolod matapos ang plaso nga gihatag sa ila nga maka-biyahe tubtob Mayo 15.
Base sa pahayag ni Atty. Salvador Altura, Officer In Charge sang LTFRB VI nga ang ginhatag nga plaso nga 15 diyas sumugod sadtong Mayo 1 agod ma-extend ang ila operation, kag LTO lamang ang may authority nga mag enforce kontra colorum.
Nakadepende na sa LTO kun ano ang ila pagahimuon matapos ang plaso nga gin hatag sa mga unconsolidated jeepney. Dugang pa ni Atty. Altura, nadiskubrihan nga may pila ka mga rota nga sobra ang unit sa area samtang may ginakulang man nga pang-depasahero nga jeep sa pila ka bahin sang ciudad, amo nga ila pa ini gina-diskusyunan agod makalaging ang mga public utility jeepney sa ciudad.
May yara na sang 1,151 ang naka pa consolidate nga traditional jeepney kag dugangan pa sang masobra sa 600 ka mga modernize jeep sa ciudad, nga naga-operate nga may nagakaigo nga papeles.
