BAGO CITY- Nasunog ang walo ka mga bloke sa merkado sa Brgy. Don Jorge Araneta, Bago City mga las-6:45 kagab-i, Mayo 10, 2024.
Suno sa chief tanod nga si Joel Villanueva, nagsugod ang kalayo sa bloke nga ginapanag-iyahan ni Larry Falloran matapos nga naglupok ang linya sang kuryente.
Nagbinuligay ang mga yara sa merkado sa pagpalong sang kalayo apang madasig ini nga nagsaylo sa iban pa nga stores.
Kalakip sa mga nasunog ang grocery stores, baligyaan sang ukay-ukay kag iban pa. Nagapadayon sa karon ang imbestigasyon sang Bureau of Fire Protection (BFP) sa nasambit nga sunog.
Pila ka fire trucks sa ciudad sang Bacolod ang nagresponde man sa lugar.
