Kon abi mo sa mga kalye lang makita ang mga traffic lights, dira ka nagsala bangud bisan sa disyerto, may ginasunod man nga traffic rules! Apang indi ini para sa mga motorista, pero para sa mga camel! Kada bulan sang Mayo, ang camel riding ang ginadayo gid sang kadam-an sa Mingsha Mountain kag Crescent Spring sa Kumtag dessert sa pungsod China.
Agud malikawan ang traffic jams, nagpatukod sang camel traffic lights ang mga otoridad nga nagabantay sa nasiling nga disyerto.
Tagsa ka holiday sa una nga semana sang bulan sang Mayo, linibo ka mga turista ang nagadagsa sa sa ini nga Natural Tourist spot agud mag upod sa mga aktibidad kaangay sang pagsakay sa camel.
Sang 2023, kapin 2,400 ka mga camel ang gintigana para sakyan sang mga turista diin sang amo man nga tion, nagdangat sa 10,000 ang bisita sa lugar.
Pinaagi sa pag-install sang traffic lights, magaserbe ini bilang signal sa mga camel nga mag-untat kon may magtabok nga mga tawo.
Kaangay sa regular nga traffic lights, kon duag green ang suga, sarang makatabok ang mga camel apang kon mag pula naman, dapat magpundo ang mga camel agud paunahon tabok ang mga pedestrian.
