KABANKALAN CITY- Patay ang tatlo ka mga lalaki sa pagbungguanay sang motorsiklo kag rescue vehicle sa Aquiles-Zayco, Barangay 1, Kabankalan City, Negros Occidental, las-4:10 sang hapon, Mayo 13, 2024.
Suno kay Police Major Joelan Vinson, Deputy Chief of Police sang Kabankalan City Police Station, halin sa sur ang direksyon sang rescue vehicle sang Brgy. Camingawan nga ginamaneho ni Paul Delos Reyes, 44-anyos.
Samtang ang NMAX motorcycle ang halin naman sa west nga direksyon kag ginamaneho ni Glenn Ramirez, 35, kag residente sang Purok Lumboy, Brgy. Oringao kag angkas sini si Joeven Pineda, 31, kag residente sang Prk 4, San Carlos Cabiao, Nueva Ecija.
Suno kay Vinson, pag-abot sa kurbadahan, hinali nagliko ang motorsiklo samtang madasig ang dalagan sang rescue vehicle nga may dala nga pasyente.
Lunsay nagtabog ang sakay sang motorsiklo kag may dalahig pa nga bystander nga ginkilala kay Brix Rallos sang Sitio Cabangahan, Brgy. Hilamonan, Kabankalan City kag napilasan ang mga ini kag gindala sa hospital. Sang ulihi, lunsay ginbawian sang kabuhi ang mga biktima.
Yara naman sa kustodiya sang Kabankalan City Police Station ang driver sang rescue vehicle.
