WORLD NEWS- Nagdangat sa masobra 300 ka mga persona ang napatay matapos ang pagluntad sang mabaskog nga pag-ulan nga nag resulta sang pagbaha sa probinsya sang Baghlan sa Afghanistan kag pila ka mga probinsya sang amo nga pungsod.
Padayon pa nga ginapangita sang mga rescuers ang mga missing matapos ang insidente nga nagsugod sadtong Biyernes, Mayo 10.
Aminado ang mga rescue team nga may kabudlayan sa ila nga bahin agod magpatigayon sang rescue operation kag pagdul-ong sang bulig sa mga apektado sang pagbaha ilabi na sa mga tuman ka apektado nga lugar.
Indi naman sarang magamit ang mga ospital bangod sa pagbaha, nagresulta man ang ano nga hitabo sa pagkaguba sang linibo ka mga panimalay kag talamnan ukon palangabuhian sa pungsod.
