Ginkasuhan sanday Sanjeev kag Sadhana Prasad sang Uttarakhand, North India ang ila naga-isahanon nga anak nga lalaki bangud wala sila sini nahatagan sang apo.
Bangud kay ginhatagan sang mag-asawa nga Prasad ang ila anak kag ila umagad sang deadline nga dapat maka bata na ang mga ini nakaligad nga tuig, disappointed sila nga wala ini natuman amo kon ngaa nagdemand sila sang compensation nga nagabalor $650,000 ukon masobra P37,000,000.
Pahayag sang mag-asawa nga dako ang ila nagasto para hatagan sang enggrande nga kasal ang ila anak diin nagrenta pa sila sang luxury car kag nag check in sa isa ka 5 star hotel abroad para sa honeymoon.
Panindugan pa sang mga ini nga anom ka-tuig na kasado ang ila anak apang daw wala man plano ang ila anak kag umagad nga makabata.
Handom pa kon tani nila nga magka apo karon nga retired na sila sa ila mga trabaho.
