BACOLOD CITY-Napaathagan ni Mayor Albee Benitez ang mga tricycle drivers nga miembro sang ARVISTODA nga nagbalabag sa dry run sang e-jeeps sa Brgy. Vista Alegre kahapon.
Nahibaluan nga gin-imbitar sa City Mayor’s Office ang ARVISTODA matapos nga ila ginbalabagan ang dry run bangud nga wala sila ginpahibalo antes ini ginpatigayon.
Nagareklamo ang mga driver nga maapektuhan ang ila nga bangud sang pagbyahe sang e-jeeps.
Matapos napaathagan, magapadayon ang dry run subong nga adlaw, sugod las-9 sang aga tubtob las-4 sang hapon.
Ang e-jeeps magabyahe halin Arao relocation site sa Vista Alegre padulong Burgos Market vice versa. Nahibaluan nga lima ka adlaw ang pagpatigayon sang dry run para sa ginakabig green lanes bangud nga e-jeeps ang magabyahe sa lugar.
Una na ginpahayag ni LTFRB Regional Director Atty. Salvador Altura, ang katuyuan sang dry run para sa green lane agod mag kolekta sang nagakaigo nga datos kag preparasyon sang LGU nga pag-amendar sang Local Public Transport Route Plan (LTPRP) sa ciudad.
Nahibaluan nga magluwas sa Vista Alegre, ang Brgy. Cabug kabahin man sang green lane kag iga-schedule man ang pagpatigayon sang dry run diri.
