SILAY CITY- Indi pabor si Mayor Joedith Gallego nga mangin water source ang duha ka suba sa ciudad sang Silay para sa bulk water supply project sang probinsiya sang Negros Occidental.
Suno kay Mayor Gallego, may mga planters sa ciudad nga nagakontra sa bulk water supply project bangud posible nga maapektuhan ang ila patubig sa ila mga pananom.
Suno kay Mayor Gallego, maagi pa man sa city council ang pagtalakay sa pagkontra sang ciudad sa proyekto sang probinsiya.
Nahibaluan nga ang Imbang River kag isa pa ka suba sa Silay ang ginalantaw nga isa sa kuhaan sang tubig para sa bulk water supply project sang provincial government nga nagabalor P1.2 billion.
Kon matigayon ang proyekto posible nga makasuplay ang probinsiya sang tubig sa Bacolod, Talisay, Silay, kag Victorias, subong man sa mga banwa sang EB Magalona kag Manapla.
