TALISAY CITY- Nakilala na ang bangkay nga nasapwan nga yara sa sulod sang sako sa bahin sang Sitio Mambucano,Brgy. Cabatangan, Talisay City, pasado la-una sang hapon, Mayo 15.
Base sa nakuha nga impormasyon sang DYHB, ginkilala ang biktima nga si Jumon Espartero, 36-anyos, may live-in partner, kag residente sang GK Hope Village sa amo nga barangay.
Positibo nga ginkilala sang iya manghod nga si Joemar Espartero ang biktima pinaagi sang iya panapton kag mga tattoo.
Nahibaluan nga sadtong Mayo 12 wala na nakapauli si Jumon sa ila puluy-an. Una na nga ginpahayag ni Punong Brgy. Jomar Baroquillo sang amo nga barangay nga wala sang rekord sa barangay ang biktima.
Apang padayon pa ang imbestigasyon sang mga kapulisan natuhoy sa insidente.
