May paathag ang National Electrification Administration (NEA) sa pagsaka sang bili sang kuryente sa mga electric cooperatives sa karon.
Sa advisory nga pirmado ni NEA Administrator Antonio Mariano Almeda para sa mga Member-Consumer-Owners (MCOs) sang Electric Cooperatives (ECS), ginpahayag sini nga ang pagmahal sang kuryente ang bangud sang pagsaka man sang generation component.
Suno sa NEA, ang generation component naga-representar sang pass-through costs halin sa mga power suppliers padulong sa mga ECs. Buot silingon, ang costs ukon gasto sang mga power suppliers direkta nga gina-transfer sang mga ECs padulong sa mga kunsumidor, kag wala ini ginapatungan sang mga electric coops.
Damlag pa, ang pagtaas sang heat index sa pungsod, ang nagpasaka man sang generation costs, kag wala na sang control diri ang mga ECS. Suno pa sa NEA, ang pagsaka sang generation costs ang indi malikawan sa bahin sang mga ECs kag may direkta ini nga impacts sa charges sa mga MCOs.
Dugang pa sang NEA, wala sang control ang mga ECs sa generation component kag wala man ini sang kapasidad nga impluwensiyahan ukon panubuon ang generation costs bangud nga ini ang ginatalana sang power suppliers base sa ila nga operating conditions. Ang NEA nagapangayo sang paghangop sang publiko.
