BACOLOD CITY- Dakop ang mag live-in partner matapos nga makuhaan sang kapin 402 gramos sang ginapatihan shabu mga may standard drug price nga P2,856,000 sa ginpatigayon nga buybust operation sang Regional Drug Enforcement Unit VI sa isa ka subdivision sa bahin sang Barangay Tangub ciudad sang Bacolod, las-4:50 sini nga hapon, Mayo 16.
Ginkilala ang subject sa buybust operation nga si Richard Monton, 42-anyos, temporaryo nga naga-istar sa nasambit nga lugar, samtang arestado man ang kalive-in partner sini nga si Jenimar Garcia alias “Inday”, 32-anyos, residente sang Prk. Kaingin, Brgy. Singcang Airport, Bacolod City.
Base sa interview sang DYHB kay Police Captain Ryan Inot, Team Leader sang RDEU VI, kapin duha na ka bulan nga gina-manmanan ang mag live-in partner matapos ang nakuha nga impormasyon sang otoridad nga may nagagwa sulod sa ila nga puluy-an.
Si Monton, ang anay preso sa New Bilibid Prison sa Muntinlupa kag nakahilway lamang sadtong Disyembre 2023. Makabig nga supplier sang illegal nga droga si Monton sa ciudad, samtang newly identify naman si Garcia.
Magapangatubang sa kaso nga paglapas sang Republic Act of 9165 ukon Comprehensive Dangerous Drugs Act of 2002 ang mag live-in partner.
