BACOLOD CITY- Magatutok sa karun ang Punong Barangay kag Association of Barangay Councils (ABC) President nga si Councilor Lady Gles Pallen sa pag-edukar sa mga pumuluyo sang Barangay Taculing ciudad sang Bacolod natuhoy sa bandalismo.
Base sa interview sang DYHB kay Councilor Pallen, iya ginhatagan sang responsibilidad ang mga barangay tanod agod mag-monitor kag mag bantay kontra bandalismo, iya man ginhatagan sang task ang mga Sangguniang Kabataan agod magpahamtang sang freedom wall.
Nagapati si Pallen, nga kun ano pa dira ka aktibo ang pagpanakop kag paghatag sang intervention, kun wala sang nagakaigo nga edukasyon natuhoy sa bandalismo sarang man sa gihapon nga masulit ang paghimo sang amo nga aktibidad sa lugar.
May ginapatigayon man nga campanya sa matinlo nga palibot ang barangay kada Sabado. Dugang pa ni Pallen, sila ang may namonitor na nga mga highschool student kag yara sa legal nga edad nga nagapang-bandalismo sa Barangay.
