Nakilala na ang lalaki nga napatay matapos nakuryente sa poste malapit sa isa ka mall sa Barangay Zone 2 sa ciudad sang Cadiz, pasado las 5 sang kaagahon, Mayo 17.
Suno kay Police Capt. Gina Fernandez, Deputy Chief of Police sang Cadiz City Police Station, 14-anyos ang edad sang biktima kag residente sang Brgy. Tinampa-an sang nasambit nga ciudad.
Suno kay Fernandez, posible target sang biktima ang kable sang telco.
Base sa inisyal nga imbestigasyon sang kapulisan, posible nga nakauyat ini sa linya sang kuryente nga nangin rason sang iya nga kamatayon.
Narekober sa biktima ang cutter nga posible ginagamit sini sa pagpangkuha sang kable.
