NEGROS OCCIDENTAL- Politika ang isa sa ginalantaw nga rason ni Provincial Administrator Rayfrando Diaz II sa indi pag-suporta sang Silay City sa bulk water supply project sang Negros Occidental.
Suno kay Atty. Diaz, ang mga local government units sa second kag third districts nga target sa bulk water supply project ang nakahatag na sang Resolution of No Objection (RONO) magluwas sa Silay City.
Una na nga ginpahayag ni Mayor Joedith Gallego nga indi pabor ang ciudad nga ang Imbang River ang isa sa mangin water source sang bulk water project bangud possible maapektuhan ang ila suplay mangin sa mga planters.
Suno naman kay Diaz, may komunikasyon ini sa opisina ni Gallego may angot sa mga dokumanto kag may duha naman ka konsehal sang Silay nga naistorya ini.
Nagapati si Diaz nga indi teknikal ang issue sa pagmalabag sang Silay sa proyekto kundi may iban pa nga rason.
Dugang pa sang provincial administrator nga dapat wala sang pamulitika kon tubig ang pagahambalan bangud nga kinahanglan ini sang pumuluyo kag nagapati ini nga ang bulk water project ang isa sa pinakabarato nga paagi agod makahatag sang potable water sa mga residente
