VICTORIAS CITY-Pabor ang alkalde sang ciudad sang Victorias sa ginaduso ni Gov. Bong Lacson nga mag-‘solarize’ ang mga local government units sa probinsiya sang Negros Occidental.
Suno kay Mayor Javi Benitez, dapat nga mga buildings ang may yara sang renewable energy systems. Ang new government center sang Victorias ang magaangkon sang solar-powered roof, may rain catchments para kun mag-ulan ma-gather ang tubig kag mabunyag sa mga tanom.
Para kay Benitez, dapat mangin norm sa Negros Occidental ang renewable energy bangud ini ang mas barato kag reliable sa bahin sang environmental conservation efforts.
Apang dapat ang gobyerno may dako nga papel sa pag-invest kag pag-edukar sa pumuluyo angot sa pagkunsumo sang elektrisidad.
Kahapon, pormal na nga ginbuksan ang selebrasyon sang Renewable Energy Week sa probinsiya sang Negros Occidental.
